|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Нұр-Сұлтан қаласында алаяқтар әкімдік атынан хабарласып, азаматтарға ақша ұсынып жүр. Бұл туралы қалалық жұмыспен қамту және әлеуметтік қорғау басқармасы хабарлады.
«Қала тұрғындарына алаяқтар қоңырау шалып, әлеуметтік қорғау басқармасының қызметкерлері атынан 5 мың теңгеден миллион теңгеге дейін қаржы беретінін айтады. Банк картасына соманы аударуды ұсынатын алаяқтардан сақ болыңыздар»,- делінген хабарламада.
Алаяқтар тұрғындардан ешқандай құжат сұрамастан, жеке деректерді алуға тырысады. Басқарма осындай жағдайға тап болған азаматтарға полиция қызметкерлеріне хабарласуды сұрайды.
Еске сала кетейік, 2020 жылы елордада полиция қызметкерлері алаяқтық ісі бойынша 97 адамды ұстады. Олардың басым көпшілігі қылмысты интернет арқылы жасаған.
