|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
2025 жылы 6 шілдеде Алматыдағы Кенжехан базарында "Youth Nomads" ұлттық спорт фестивалінің алғашқы іріктеу кезеңі өтті, - деп хабарлайды Dauletten.kz.
Жоба Алматы қаласы Жастар саясаты басқармасының қолдауымен және "Евразийский мир и согласия" қоғамдық қорының ұйымдастыруымен жүзеге асуда.
Фестивальдің мақсаты – NEET санатындағы жастарды ұлттық спорт түрлері арқылы қоғамдық белсенділікке тарту, салауатты өмір салтын насихаттау және ұлттық құндылықтарды дәріптеу.
Фестиваль аясында қатысушылар мына спорт түрлері бойынша бақ сынайды:
• Асық ату
• Қол күрес
• Қазақ күресі
• Арқан тарту
• Ләңгі тебу
Жалпы, жоба Алматы қаласының 20 базарын қамтып, 30 000-ға жуық жасты тартуды көздейді. Әр базарда өтетін іріктеу кезеңдерінде жеңімпаз атанған қатысушылар 2025 жылдың 9 тамызында Рахат базарында өтетін финалға жолдама алады.
"Youth Nomads" – бұл тек спорттық сайыс емес, жастарды ортақ құндылықтар мен ұлттық рух аясында біріктіретін платформа. Ашық алаңда өтетін фестиваль жастардың өз мүмкіндігін көрсетуіне мүмкіндік береді.
