|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжілістің жалпы отырысында жаңа Салық кодексі жобасының бірінші оқылымында Мәжіліс депутаты, "AMANAT" партиясы фракциясының мүшесі Асхат Аймағамбетов денсаулық сақтау саласындағы салық жүктемесінің артуына алаңдаушылық білдірді, - деп хабарлайды Dauletten.kz.
Ол әлеуметтік маңызы бар аурулар, соның ішінде онкологиялық және орфандық сырқаттарға қатысты дәрілер мен қызметтерге ҚҚС-ты алып тастау шешімін құптай отырып, басқа да медициналық қызметтер мен дәрі-дәрмек бағасының өсіп кету қаупіне назар аударды.
– Бізде басқа секторларда ҚҚС 12%-дан 16%-ға көтеріліп жатса, мұнда бірден 10% ҚҚС және 10% корпоративтік табыс салығы қосылып, 20% салықтық жүктеме болып отыр. Бұл медициналық қызметтердің қымбаттауына әкелуі мүмкін. Сондықтан басқа ауруларға арналған дәрілерге ҚҚС-ты 10%-дан 5%-ға, ал ақылы медициналық қызметтерге 10%-дан 5%-ға дейін кезең-кезеңмен төмендету мүмкіндігін қарастыру мүмкіндігі бар ма, – деді Асхат Аймағамбетов.
Ұлттық экономика министрі Серік Жұманғарин бұл ұсынысқа жауап бере отырып, тек ақылы медициналық қызметтерге ҚҚС салынатынын түсіндірді.
– Мемлекеттік және жеке клиникалар арасындағы бәсекелестік тең болу үшін, тек ақылы медициналық қызметтерге ғана ҚҚС салынады. Ал әлеуметтік маңызы бар аурулар бойынша қызметтер МӘМС аясында болғандықтан, оларға салық салынбайды, – деді ол.
Сондай-ақ министр дәрі-дәрмектердің 85%-ы шетелден келетінін айтып, бағаның бірнеше есе өскенін жеткізді. Осылайша, импорттық дәрі-дәрмектерге қатысты әлеуметтік маңызы бар тізім жасалып, сол бойынша салық жеңілдіктері қарастырылады. Қалғанына 10% көлемінде салық салынбақ.
