|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда мұғалімдерге, дәрігерлерге және әлеуметтік қызметкерлерге жасалатын шабуылдарға байланысты жазаны қатаңдату мәселесі қарастырылып жатыр. Бұл туралы Премьер-министрдің орынбасары Ермек Көшербаев мәлімдеді, - деп хабарлайды Dauletten.kz.
Оның айтуынша, соңғы уақытта мемлекеттік және квазимемлекеттік сала мамандарына, соның ішінде үйлерді аралап әлеуметтік көмек көрсететін қызметкерлер мен мұғалімдерге қатысты агрессиялық әрекеттер жиілеген.
– Бұл мәселе тек медицина саласындағы қызметкерлерге қатысты емес. Құқықтық қорғаныс денсаулық сақтау мамандарымен қатар, басқа да сала өкілдеріне бірдей қолданылуы қажет деп есептейміз. Мысалы, үйлерге барып қызмет көрсететін әлеуметтік қызметкерлер де түрлі қауіпке тап болады. Кейбір азаматтар ашу үстінде агрессивті әрекеттерге барады. Бұл – мамандардың өміріне тікелей қауіп төндіреді. Соңғы кездері мұғалімдерге қарсы шабуылдар да жиілеп отыр. Заң бойынша олар қорғалатын тұлғалар қатарына кіреді. Алайда кейбір жағдайларда жасалған құқықбұзушылықтың ауырлығына сәйкес келмейтін жеңіл жаза қолданылып жатады. Осы мәселе де талқылау аясында тұр, – деді Ермек Көшербаев.
Сонымен қатар ол азаматтардан келіп түскен ұсыныстар мен өтініштердің барлығы депутаттармен бірге қаралатынын атап өтті.
