Қырғыз Республикасы Қауіпсіздік кеңесінің хатшысы Марат Иманқұлов Қырғызстан президенті Садыр Жаппаровтың Ресей басшысынан Тәжікстанмен шекарадағы келіссөздерге араласуын сұрағанын айтты.
Астанада мемлекет басшыларының қатысуымен “Орталық Азия-Ресей” саммиті кезінде Ресей президентінің бастамасымен Садыр Жапаров, Эмомали Рахмон және Владимир Путиннің үшжақты кездесуі өтті. Иманқұловтың айтуынша, үш көшбасшы арасында ашық әңгіме болған.
"Келіссөздер кезінде ашық әңгіме болды. Бұл мәселе кезінде шешілмеген делимитация мен демаркация бойынша туындады. Жапаров Путиннен шекара мәселесін шешуге көмектесуін өтінді. Біздің президент Путинге бұл мәселеде Ресейдің көмегі қажет екенін өйткені екі жаққа қандай да бір келісімге келу онсыз қиын екенін айтты. Ресей тарапы бұл туралы ойланып, деректер көтеретінін атап өтті. Путин бұған дейін де өз пікірін білдірген болатын. Енді мәселе оң шешімін табады деп ойлаймын. Ресей КСРО-ның құқықтық мұрагері. Мәскеу мұрағатында тексеріп көруге болатын құжаттар, карталар бар", - деді Иманқұлов.
Кездесуден кейін Путин Ресейдің Қырғызстан мен Тәжікстан шекарасы мәселесінде делдалдық рөл атқаратынын мәлімдеді.
