|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін «Дәулетті оқырман» атынан 61-баспана кілті табысталды. Перігүл ханымға Алматы облысы, Жамбыл ауданы, Ұзынағаш ауылынан 24 млн теңгеге 130 шаршы метрлік 4 бөлмелі үй алынды, деп хабарлайды Dauletten.kz.
8 баласы бар жалғызбасты анаға табысталған үйдің қосымша 8 сотық жері, аулада арнайы саяжайы бар. Сондай-ақ, үйге тоңазытқыш, кір жуғыш машина, балаларға 4 төсек сатып алынды.
Қайырымды оқырман арқасында аз уақыт ішінде бұл отбасы өздері армандаған баспанаға қол жеткізді.
«Осыған дейін бірнеше пәтерді жалдап тұрдым, мешітте де түнеген кездер болды. Балалардың мектепке қатынауы қиындады. Бірақ қордың арқасында баспаналы болдым. Шыны керек, бұндай үлкен үйді күтпедім, қуанышымда шек жоқ. Баспана сыйлаған халыққа, «Dauletten» қорына рақмет айтамын», - деді жалғызбасты ана.
Еске сала кетейік, осы жылдың сәуір айында көпбалалы анаға баспана сыйлау үшін қорға қаражат жинау басталған еді.
