Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Бүгін таңертең Алматыдағы хостелдердің бірінде өрт шықты. Оқиға орнына жедел жеткен өрт сөндірушілер 13 адамның мәйітін тапты. Қазір олардың өлімінің себебі анықталып жатыр, - деп хабарлайды Dauletten.kz, қалалық ТЖД-ға сілтеме жасай отырып.
Қалалық ТЖД баспасөз қызметінің мәліметінше, хостелдегі өрт туралы хабарлама таңғы 05:33-те келіп түскен. Өрт сөндірушілердің алғашқы құрамы оқиға орнына 7 минут ішінде жетті.
Белгілі болғандай, өрт үш қабатты ғимараттың жертөлесінен шығып, бірінші қабатты да шарпыған.
Алдын ала есептеулер бойынша өрттің жалпы ауданы 30 шаршы метрді құрайды. Сағат 06:22-де өрт толығымен сөндірілді.
"Барлау және өртті сөндіру барысында 13 адамның мәйіті табылды. Қазір олардың кім екені анықталып жатыр. Алдын ала болжам бойынша олар көміртегі тотығымен улану салдарынан қаза тапқан", - делінген департаменттің хабарламасында.
Өрт кезінде хостелде барлығы 72 адам болған, олардың 59-ын эвакуациялап үлгерген. Өртті ауыздықтауға 46 адам мен 13 бірлік ТЖД техникасы жұмылдырылды.
"Өрт пен өлімнің себебі анықталуда. Соған сәйкес, ақпарат тағы да толықтырылатын болады", - деді ТЖД өкілдері.