Жаңалықтар

«Джулия» мюзиклы – Жаз бойы сізбен бірге

10.06.2023

1 мин

0

488

14 маусымнан бастап Джулия мюзиклы жалғасын табады. «Джулия» мюзиклы Қазақстанда жасалған ерекше жаңа жоба, жылдың ең ауқымды музыкалық іс-шарасы – «Джулия» мюзиклының билеттері сатыла басталды. Туындының тұсаукесері 2022 жылдың желтоқсан айында ашылды.

Аты аңызға айналған алматылық топ A’Studio-ның «Джулия», «Так же, как все», «Сердцем к сердцу», «Любовь-река», «Тик-так», «Еще люблю», «Грешная страсть», «Улетаю», «Папа, мама» және т.б.  көптеген халық сүйіп тыңдайтын ең танымал әндері спектакльге негіз етіп алынған.

Қойылымды жарыққа шығарушылар:

Продюсерлер – Қайрат Құлбаев және Байғали Серкебаев,

Сопродюсерлер – Владимир Миклошич пен Борислав Володин,

Қоюшы режиссер – Василий Бархатов,

Пъеса авторы – Михаил Дурненков.

«Қойылымның жазғы маусымын, және көрермендерімізбен қауышатын сәтті асыға күтіп жүрміз. Орасан зор жұмыс атқарылды. Музыка мен өнер дегенде ішкен асын жерге қоятын осынша дарынды, талантты жастың басын қоса алғанымыз қандай керемет еді. «Джулия» - жай ғана мюзикл емес, қаламызға ұсынған тартуымыз, туған шаһар Алматыға деген ыстық ықыласымыз», — деді Байғали Серкебаев.

Күні мен уақыты: 14 маусым 19:30

Мекен-жайы: Әл-Фараби 30, Алматы театры.

Жанр: романтикалық комедия

Орындау уақыты: үзіліспен 90 минут

Қызықты фактілер:

1. Спектакльдің музыкалық негізі – аты аңызға айналған алматылық A’Studio тобының сүйікті хиттері.

2. 72 спектакль қойылды.

3. 49 мыңнан астам көрермен.

4. Музыкалық ұжымда 120-дан астам адам жұмыс істейді

«Джулия» — уақыт пен қашықтық сынынан өткен махаббат, сондай-ақ музыка туралы романтикалық комедия. Сюжет желісі 90-шы жылдары ел аузында болған музыкалық топ төңірегінде. Туындының негізгі арқауы көрерменді ерекше сезімге, шытырман оқиғаға бөлеп, шынайы сезімге сенуге итермелейді. Спектакль жас аралас күлкі, сағыныш, шабыт пен батылдық секілді жан тебірентер сәттерге толы. Мұның бәрі – махаббат жолында жасалған дүние. Кейіпкермен бірге қуанып, мұңайтатын қойылым көрерменнің көзайымына айналатыны сөзсіз. 

«Джулия» мюзиклы отбасыңызбен бірге есте қаларлықтай кеш өткізудің, сүйіктіңізге ең жақсы сыйлық жасап, кездесуге шақырудың үздік тәсілі. Қазақстан тарихындағы маңызды мәдени оқиғаның бір бөлігі болыңыз, жүрегіңізге жақын музыка тыңдап рахаттаныңыз.

Еске салайық, жазғы маусым 2023 жылы 14 маусымда «Almaty Theatre» өтеді.

Фото: sknews.kz