|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда жұмыс орнындағы харассментке байланысты жауапкершілік енгізілмек. Бұл мақсатта Еңбек және халықты әлеуметтік қорғау министрлігі Еңбек кодексіне өзгерістер мен толықтырулар енгізу туралы заң жобасын әзірледі, - деп хабарлайды Dauletten.kz.
Жаңа құжатта жұмыс орнындағы жыныстық қысым мәселесі арнайы қарастырылмақ. Әлеуметтік сауалнама нәтижелері көрсеткендей, қызметкерлердің шамамен 30 пайызы жұмыс барысында әріптестер тарапынан түрлі жағымсыз әрекеттерге тап болған. Алайда қазіргі уақытта мұндай жағдайларда шағымдану және қорғану тетіктері нақты белгіленбеген.
Айта кету керек, Қазақстан әлі күнге дейін халықаралық еңбек ұйымының қызметкерлерді зорлық-зомбылық пен қудалаудан қорғауға бағытталған №190 конвенциясын ратификацияламаған. Ал көптеген елдерде (Франция, Канада, Оңтүстік Корея) мұндай құқықбұзушылықтар бойынша ішкі бақылау тетіктері мен санкциялар қарастырылған.
Ұсынылған заң жобасында қолданыстағы Еңбек кодексінің жұмысшыларды зорлық-зомбылықтан толықтай қорғай алмайтыны айтылған. Құжат авторларының пікірінше, заңнамаға енгізілетін өзгерістер жұмыс берушілерді қудалау фактілеріне бейжай қарамауға және ішкі тексеру рәсімдерін енгізуге міндеттейді. Сонымен қатар, бұл қызметкерлердің құқықтарын қорғау бойынша қосымша кепілдік болмақ.
