Жаңалықтар

Жасөспірімдер арасында танымал болған “Қызыл есік, сары есік” ойынының қауіпі

04.04.2025

1 мин

15

4071

Сурет: Shutterstock

"Қызыл есік, сары есік" — интернетте және жасөспірімдер арасында кең таралған мистикалық ойын. Оны кейде "бейсанамен жұмыс істеу ойыны" деп те атайды, - деп мәлімдейді Dauletten.kz.

Ойын барысында бір адам екіншісін транс жағдайына енгізіп, ол түрлі түсті есіктерді "көре" бастайды. Әр есіктің артында әртүрлі бейнелер, оқиғалар немесе тылсым тіршіліктер болады деп есептеледі. Бұл ойын бейсанаға ену тәсілі ретінде ұсынылады, бірақ ол психологиялық тұрғыда өте қауіпті болуы мүмкін.

Ойынды қауіпсіз ермек деп қабылдамауға болмайды. Міне, бірнеше себеп:

1. Трансқа түсу алаңдаушылық тудыруы мүмкін. Әр адам мұндай күйден оңай шыға алмайды. Кейбіреулер үрей, бас айналу, қорқыныш, бағдарсыздық сезімін бастан кешіруі мүмкін.
2. Жасырын қорқыныштар мен психологиялық жаралар оянады. Адам бейсанасына терең бойлаған сайын, бұрынғы қорқынышты естеліктер мен ішкі уайымдарға тап болуы мүмкін.
3. Жасөспірімдердің психикасы әлсіз. Көрген нәрсесін шындық деп қабылдайтын жасөспірімдер арасында ойыннан кейін үрей, күйзеліс белгілері байқалуы мүмкін.
4. Ғылыми негізі жоқ. Бұл ойын психологиямен немесе оккультизммен байланысы бардай көрінгенімен, шын мәнінде бұл – маман көмегінсіз санаға жасалған қауіпті тәжірибе.
5. Шынайы өмірге кері әсер етуі мүмкін. Ойнағаннан кейін ұйқы бұзылуы, мазасыз түс көру, үнемі біреу қарап тұрғандай сезіну сияқты жағдайлар болған.

"Қызыл есік, сары есік" – қарапайым ойын емес, адамның санасына қатер төндіретін тәжірибе. Әсіресе жасөспірімдер үшін өте қауіпті. Мұндай ойынды ойнаудың орнына қауіпсіз әрі пайдалы жолдарды таңдаған дұрыс.