«Dauletten қайырымдылық қоры» ЖҚ еліміздің әр өңірінен кәсіпкерлерді қолдау мақсатында қайтарымды грант тағайындайды. Егер сіздің бизнес жоспарыңыз, кәсіп бастауға деген ниетіңіз болса бағдарламаға қатысып, грант жеңіп ала аласыз. «Dauletten» қайырымдылық қоры атынан кәсіп бастауға 500 000 теңге гранты 6 адамға, 1 000 000 теңге гранты 2 адамға үлестіріледі. Жеңімпаздарды арнайы тағайындалған комиссия мүшелері анықтайды.

Бағдарлама шарттары:

1. 18 жасқа толған ҚР азаматы қатыса алады;
2. Өтінім толтыру;
3. Не себепті сіз бұл кәсіпті ашқыңыз келеді? Өзіңіздің кәсібіңіз жайлы қысқаша ақпарат жазу (200 сөзге дейін);
4. Бизнес-жоспар жүктеу (Word нұсқада, Times New Roman, 14 шрифт);

Ескерту!

«Дәулеттен кәсіп» жобасына өтінім жібермес бұрын, бизнес-жоспарыңыз дайын болуы керек. Үміткерлер өтінімді реттілікпен толтырғаннан кейін бизнес-жоспар жүктеу міндетті. Кәсіп ашар алдында қор тарапынан менторлық қолдау көрсетеледі. Атап айтсақ,

• Дара кәсіпкерлік (ИП) және Жауапкершілігі шектеулі серіктестікті (ТОО) тіркеу, қызметін тоқтату;
• Салық есептіліктерін тапсыру жолдары;
• СММ курстары;
• «Бизнесті дамыту, клиенттермен жұмыс» курстары үйретіліп, түсіндіріледі.

Жеңімпаздар 3 ай үзілістен кейін, яғни кәсібін бастағаннан кейін комиссия мүшелері бекіткен уақыт аралығында үлестірілген қаржыны қайтаруы тиіс.