|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Еліміздің бас қаласында жалпыға бірдей міндетті орта білім беру бағдарламасы аясында материалдық көмек көрсету шаралары басталды, деп хабарлайды Нұр-Сұлтан қаласы әкімдігінің ресми сайты.
Балаларға көрсетілетін көмек мөлшері – 40 мың теңге. Өткен жылы бұл көмекті 13 245 оқушы алса, 2021 жылы 15 мыңға жуық баланы қамту жоспарланған. Материалдық көмек берілетін балалардың санаты да белгіленген.
Жалпыға міндетті оқу аясындағы көмек мына санаттағы оқушыларға көрсетіледі:
Мектеп оқушыларына берілетін қаражат "Атамекен" ұлттық палатасы ұсынған "BMC Sales" цифрлы платформасы арқылы жүзеге асады. Әр балаға бөлінген қаражат арнайы картаға әлеуметтік бірлік болып түседі. Оны белгіленген сауда орнында және нақты тауарға қолдануға болады.
«Өткен жылы жобаға 16 компания және 27 сауда орны қатысса, биыл 18 компания және 30 сауда орнында тауар сатып алуға болады. Ал әлеуметтік бірліктердің қозғалысын алушылар, әлеуметтік педагогтер, кәсіпкерлер және бағдарлама әкімшілері жеке кабинет арқылы қадағалайды", - делінген хабарламада.
Балаларға аталмыш көмекті алу үшін өтінішті мектепке өткізу керек. Өтініш 15 күн ішінде қаралып, жауабы айтылады. Бағдарлама 31 қазанда аяқталады.
Сонымен қатар, Нұр-Сұлтан қаласының оқушыларына «Мектепке жол» акциясы аясында да көмек беріледі. 2021 жылдың басынан бастап 3 648 оқушы көмек алды, барлығы 7 мыңға жуық баланы қамту жоспарланып отыр. Аудандық әкімдіктер 2 100 балаға керек-жарақтары бар мектеп рюкзактарын табыстайды.
Акция аясында көмек алу үшін «Менің Атамекенім» порталының «Мектепке жол» парақшасына өтініш беру қажет.