Баспанаға бағыт

Қазақстанда эконом санаттағы жаңа үйлердің бағасы арзандады

18.06.2026

мин

0

258

Сурет: Егемен Қазақстан

Қазақстанда эконом санаттағы дайын тұрғын үйлердің бағасы төмендеу үрдісін көрсетті. Мамыр айында мұндай пәтерлердің құны айтарлықтай арзандаған, — деп хабарлайды Dauletten.kz. 

Елде жаңа тұрғын үйлер нарығында баға динамикасы өзгерді. Әсіресе эконом санаттағы дайын пәтерлердің құны бір ай ішінде 10 пайыздан астам төмендеген.

Сонымен бірге құрылыс саласындағы шығындар керісінше өсіп отыр. Сәуірмен салыстырғанда құрылыс жұмыстарының өзіндік құны 2,7 пайызға артса, бір жылдық өсім 8,2 пайызды құрады.

Мамыр айында тұрғын үй нарығындағы белсенділік те төмендеген. Ел бойынша 30 420 мәміле тіркеліп, бұл сәуір айымен салыстырғанда 13,5 пайызға, ал өткен жылдың сәйкес кезеңімен салыстырғанда 10,5 пайызға аз.

Сарапшылар мұны ипотекалық шарттардың өзгеруімен, соның ішінде Отбасы банкіндегі аралық қарыз мөлшерлемесінің 8,5 пайызға дейін көтерілуімен және зейнетақы жинақтарын пайдалану талаптарының қатаюымен байланыстырады.

Өңірлер бойынша жаңа тұрғын үйдің орташа бағасы: – Астана – 614 366 тг/м² (-0,2%); – Шымкент – 502 544 тг/м² (-0,8%); – Алматы – 877 397 тг/м² (+2,3%).