Жаңалықтар

Қазақстанда кадр даярлау жүйесі жаңарады: сұраныс қай салада өседі?

27.04.2026

мин

0

244

Сурет: Сыр бойы

Еңбек нарығындағы өзгерістерге байланысты маман даярлау тәсілдері қайта қаралып жатыр. Негізгі назар – нақты дағдылар мен цифрлық құзыреттерге аударылмақ, — деп хабарлайды Dauletten.kz. 

Жасанды интеллекттің қарқынды дамуы еңбек нарығына айтарлықтай өзгеріс әкелуде. Қазіргі таңда жұмыс берушілер үшін тек диплом емес, нақты тәжірибе мен кәсіби дағдылар маңызды бола бастады.

Осыған байланысты Мәжілісте өтіп жатқан Үкімет отырысында кадр даярлау жүйесін жаңғырту мәселесі талқылануда. Жиын барысында жаңа экономиканың талаптарына сай келетін мамандарды дайындау басты міндет ретінде белгіленді.

Сарапшылардың айтуынша, алдағы жылдары ІТ саласы, жасанды интеллект, деректерді талдау және түрлі цифрлық технологиялар бағытындағы мамандықтарға сұраныс айтарлықтай өседі. Бұл өзгерістер білім беру жүйесін де жаңа деңгейге бейімдеуді талап етеді.

Осыған орай, оқу бағдарламаларын жаңарту, практикалық дағдыларды күшейту және заманауи технологияларды оқыту процесіне енгізу жоспарланып отыр.