|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақтөбе қаласында қоқыс жәшігі маңынан табылған ер адамның мәйітіне байланысты қылмыстың жаңа мән-жайлары белгілі болды. Полиция күдіктіні анықтап, қамауға алды, - деп хабарлайды Dauletten.kz.
Қайғылы оқиға қала тұрғындарының алаңдаушылығын туғызды. Тергеу мәліметтеріне сәйкес, марқұм мен күдікті оқиға болған күні бірге спирттік ішімдік ішкен.
Кейін олардың арасында жанжал туындап, соңы ауыр қылмысқа ұласқан. Күдікті ер адам жанжал кезінде қарсыласына пышақпен бірнеше рет жарақат салған. Алған жарақаттардың салдарынан жәбірленуші оқиға орнында көз жұмған.
Құқық қорғау органдары жедел іздестіру шараларын жүргізіп, күдіктіні қысқа уақыт ішінде қолға түсірді.
Қазіргі таңда ол уақытша ұстау изоляторына қамалып, аталған дерек бойынша сотқа дейінгі тергеу амалдары жалғасып жатыр.
