|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Жаңа оқу жылынан бастап Қазақстанда алғаш рет барлық мектептер мен колледждерде балалар мен жасөспірімдер арасындағы буллингтің алдын алуға бағытталған отандық "ДосболLIKE" профилактикалық бағдарламасы енгізіледі, - деп хабарлайды Dauletten.kz.
Бұл туралы ҚР Оқу-ағарту министрлігі мәлімдеді.
Бағдарлама қауіпсіз, қолдаушы және өзара құрметке негізделген білім беру ортасын қалыптастыруға бағытталған. Ол балалардың әл-ауқаты индексі қағидаттарына, отандық және халықаралық нормативтік актілерге, сондай-ақ буллингке қарсы үздік халықаралық тәжірибелерге сүйеніп әзірленген.
Пилоттық жоба еліміздің 9 өңіріндегі 50 мектепте жүзеге асырылып, ең тиімді нәтижелер Астана, Алматы қалалары мен Абай, Жамбыл облыстарында тіркелді. Мектептерде шағым → талдау → көмек жоспары → қадағалау үлгісі сәтті енгізілді.
Оқу-ағарту министрлігі Балалардың құқықтарын қорғау комитетінің төрағасы Насымжан Оспанова атап өткендей, мұғалімдер, ата-аналар және балалардың бірлескен әрекеті сенім мен сыйластық мәдениетін қалыптастырып, жанжал деңгейін айтарлықтай төмендетеді.
Бағдарлама аясында мамандарды жаппай оқыту жүргізілуде: қазірдің өзінде 2,5 мыңнан астам педагог, психолог және білім беру қызметкерлері даярланды. Жыл соңына дейін бұл сан 8 мыңнан асады деп жоспарланып отыр.
