Жаңалықтар

1 шілдеден бастап бірқатар мамандарға 70%-ға дейін үстемақы төленеді

02.06.2026

мин

0

103

Сурет: Ertenmedia

Шілдеден бастап инспекторлардың жалақысы өседі, — деп хабарлайды Dauletten.kz. 

Қазақстанда өнеркәсіптік қауіпсіздік саласындағы инспекторлардың жалақысына қосымша үстемақы енгізіледі. Бұл шешім кадр тапшылығын азайтып, сала мамандарының қызығушылығын арттыруға бағытталған.

- 1 шілдеден бастап өнеркәсіптік қауіпсіздік инспекторларына 30%-дан 70%-ға дейін үстемақы белгіленді. Қабылданған шаралар өнеркәсіптік қауіпсіздік саласындағы кадрлық әлеуетті күшейтуге мүмкіндік береді деп күтілуде, – деді ТЖМ басшысы.

Ведомство мәліметінше, аталған шара өнеркәсіптік қауіпсіздік саласындағы кадрлық әлеуетті күшейтуге және мамандықтың беделін арттыруға бағытталған. Сондай-ақ бұл бастама саладағы маман тапшылығын төмендетуге ықпал етеді деп күтілуде.

Төтенше жағдайлар министрі Шыңғыс Әрінов Үкімет отырысында жаңа үстемақылар жүйесі жөнінде мәлімдеді.

Министрлік дерегіне сәйкес, өнеркәсіптік қауіпсіздік инспекторларына төленетін қосымша ақы қызмет өтілі мен атқаратын міндеттеріне қарай 30%-дан 70%-ға дейін белгіленген.

Сонымен қатар ведомство болашақ мамандарды даярлау бағытында жоғары оқу орындарымен ынтымақтастықты күшейтіп жатыр. Бірқатар техникалық университеттермен оқу бағдарламасына «Өнеркәсіптік қауіпсіздік» пәнін енгізу бойынша меморандумдар жасалған.