|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда 11 тамыздан бастап электрондық цифрлық қолтаңба (ЭЦҚ) алу тәртібі өзгерді. Енді бұл қызмет тек онлайн форматта қолжетімді болады, - деп хабарлайды Dauletten.kz.
Бұған дейін ЭЦҚ-ны eGov.kz порталы арқылы да, Халыққа қызмет көрсету орталықтарынан (ХҚКО) да рәсімдеуге мүмкіндік болған. Енді бұл мүмкіндік толығымен онлайн жүйеге көшірілді.
ЭЦҚ-ны онлайн алу жолы:
• egov.kz немесе pki.gov.kz сайтына кіріңіз;
• Онлайн өтінім жіберіңіз;
• Камера арқылы бет-әлпетіңізді тану жүйесі арқылы биометриялық сәйкестендіруден өтіңіз.
Цифрлық даму министрлігінің хабарлауынша, жүйе адамды тани алмаған жағдайда 5 ретке дейін тексеруден өтуге мүмкіндік беріледі. Егер барлық әрекет сәтсіз аяқталса, онда ғана азамат ХҚКО-ға бара алады.
Сондай-ақ ХҚКО-лардың өзіне-өзі қызмет көрсету аймақтарында биометриялық сәйкестендіруден өтуге жағдай жасалған.
Жыл басынан бері елімізде 14,9 миллионнан астам ЭЦҚ берілген. Оның 92%-дан астамы онлайн рәсімделген.
