|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мерекеде жақыныңызды қалай қуантарыңызды білмей жүрсеңіз, Dauletten.kz ұсынған ең пайдалы 5 сыйлыққа назар аударыңыз.
1. Блокнот немесе қойын дәптері
Әртүрлі жастағы аруларға арналған әмбебап сыйлық. Әсіресе, күнделік жазуды ұнататын және шығармашылыққа жаны құмар нәзік жандылар үшін таптырмас құрал. Нарықтағы бағасы сапасы мен талғамыңызға қарай 500 теңгеден жоғарылай береді.
2. Шашты сәндеуге арналған құралдар
Қазіргі таңда трендтегі сыйлықтардың бірі. Бүгінде техника дүкендерінен шашты сәндейтін түрлі саптамалары бар, әрі көп функциялы құралдарды кездестіре аласыз. Ол шашты кептіріп қана қоймай, сұлулық салондарындағы шаш үлгісін үй жағдайында істеуге мүмкіндік береді.
3. Смарт сағат немесе фитнес-трекер
Бұл қызметтегі және спортпен шұғылданатын арулардың қарбалас өмірін жеңілдететін сыйлық. Сондықтан оны таңдау барысында нәзік жандының бір күні қалай өтетіндігіне назар аударыңыз. Егер ол бизнеспен айналысып, түрлі кездесулерге жиі баратын болса, онда қоңырауларды қабылдап, жауап беретін және өзге де функциялары бар смарт сағатты сыйлағаныңыз дұрыс. Ал фитнес залдарында және бассейнде уақытын өткізетін аруға жүрек соғысының жиілігін және калорияны есептейтін фитнес-трекерді тарту етсеңіз, қуанары сөзсіз.
4. Аксессуарлар
Жылы шарф, сәнді балаклава немесе тоқымалы қолғап... Ауа райының құбылмалы уақытында ерекше есте қалатын, әрі жылулық сыйлайтын сыйлық.
Аксессуарларды таңдағанда, зергерлік бұйымдарға да назар аударыңыз. Минимализмді ұнататын аруға аса көзге түспейтін шағын сырға, ал ерекшеленуді жаны сүйетіндерге үлкен тасты және пішінді аксессуарды тарту етіңіз. Егер таңдаудан қателесуден қорықсаңыз, сүйікті дүкеніне сертификат беруге болады.
5. Үйге жайлылық пен әсемдік сыйлайтын заттар
Интерьерге жайлылық пен әсемдікті кез келген зат қоса алады. Мысалы, жылы көрпе, хош иісті шамдар, сәндік вазалар да аруларға ұнайтын сыйлықтар қатарында. Бастысы, нәзік жандының қалауын білу. Ол гүл құмыралары, әдемі жастық немесе өте қызықты көрінетін жұлдызды аспан проекторлары болуы да мүмкін.
Есте сақтаңыз, сыйлықтың еңжақсысы қарызсыз, бөліп төлеусіз алынған сыйлық.
Фото: kk.unansea.com
