|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Адам ағзаларын заңсыз саудалауға қатысы бар деп күдікке ілінген Украина азаматы Польшадан Қазақстанға жеткізілді, - деп хабарлайды Dauletten.kz.
Ол бірнеше жыл бойы халықаралық іздеуде болған.
Тергеу мәліметіне сәйкес, күдікті 2017–2018 жылдары трансұлттық қылмыстық топтың құрамында әрекет еткен. Ол донорларды іздеп тауып, адам ағзаларын заңсыз трансплантациялау процесін ұйымдастыруға қатысқан деп болжанып отыр.
Құқық қорғау органдарының дерегінше, аталған қылмыстық топ Қазақстан аумағында және өзге де мемлекеттерде барлығы 56 заңсыз трансплантациялық операция жасаған.
Бес жыл бойы халықаралық іздеуде жүрген күдікті экстрадицияланғаннан кейін уақытша ұстау изоляторына қамалды. Қазіргі таңда оған қатысты тергеу амалдары жүргізіліп жатыр.
