|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Нұр-Сұлтан қаласында жағдайы төмен отбасылардан шыққан оқушыларға 40 мың теңге не себепті қолға берілмейтіндігін Алтай Көлгінов айтты.
«Ата-аналар бұл ақшаны қолымызға беріңіз дейді. Біз де солай болғанын қаладық. Десе де, заң тұрғысынан олай болмайды. Бұл қаражатқа балаларға мектепке қажетті заттар алынуы керек. Ал біз жұмсалған ақшаның есебін толық көрсетуге міндеттіміз», - деді ол.
Оның айтуынша, оқушыларға мектепке қажетті заттар сататын дүкендер әзірленген. Арнайы сол жерлерден балаларға білім алуға қажет тауарды алуға болады. Себебі отандық бизнеске басымдық беріліп отыр. Сонымен қатар, оқушыларға үлестірілетін 40 мың теңге отбасындағы әр балаға жеке беріледі.
"Егер отбасында бала саны төртеу болса, әр балаға 40 мың теңгеден 160 мың теңге беріледі. Яғни бала санына орай әр оқушыға беріледі", - деп атап өтті Көлгінов.
Ресми мәліметке сүйенсек, елордада бұл көмекті 17 мың оқушы алады. Ақша арнайы электронды жүйеге "әлеуметтік бірлік" ретінде түседі. Оны баланың "Transcard" мектеп-көлік картасы арқылы тек мектепке қажетті заттарға ғана жұмсауға болады. Барлық қаражат "Всеобуч Қамқор" электронды жүйесі арқылы үлестіріледі.
Мамандардың айтуынша, Нұр-Сұлтан қаласының мұғалімдері мектептеріндегі әлеуметтік осал топтарға жататын оқушылар туралы ақпарат енгізеді. Ақша әлеуметтік бірлік есебінде "Transcard" мектеп-көлік картасына аударылады. Нәтижесінде қаражат мақсатты түрде жұмсалады.
Тағы көру
