|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
OLX.kz-те әр бесінші қолданушы алаяқтарға тап болады. Азаматтарға хабарландыру бойынша қызмет көрсететін сервисте алаяқтыққа қатысты шағымдар соңғы кездері тым жиілеп кеткен.
Мамандардың айтуынша, 2020 жылдың наурыз-қазан айларында жеткізу қызметі бойынша алаяқтарға алданған шағымдар саны жалпы қолданушылардың 1%-не сай келсе, қараша айында бұл көрсеткіш 17%-ке бірден өскен.
OLX.kz қызметкерлері сайт қолданушыларын зиянкестердің ең танымал айласының бірі – фишинг әдісі екенін ескертеді. Сатушыға қандай да бір азаматтың тауарды сатып алғысы келетіндігі жайлы хабарлама келеді. Хабарламада жеке деректер мен банк картасының нөмірін жазып, қосымша сайтқа сілтеме ұсынылады. Нәтижесінде, банк картасынан ақша алынып, алаяқтар байланысқа шықпайды.
Сайт мамандары OLX.kz қолданушыларын күмәнді хабарламаларға жауап бермей, сілтемелерге өтпеуді ескертеді. Сондай-ақ, компания өкілдері қазақстандықтардан қоғамдық Wi-Fi арқылы сайттан сауда жасамауды сұрайды.
Аталмыш сайт азаматтарға ешқашан ұтыс жайлы хабарлама жолдамайды. Алаяқтар компания тарапынан ұтыс, жеңілдіктердің болып жатқандығы жайлы да хабарлама тарата бастаған. Десе де, мамандар ұтыс өткізілмейіндігін және қосымша сілтемелерге бағыттамайтынын ескертеді.
Компания мамандары алаяқтық жағдайында қолданушыларға құқық қорғау органдарымен ынтымақтастық саласында қолдау көрсететіндігін және алаяқтық фактілері бойынша тұтынушылардың өтініштерін талдап, тиісті шара қолданатынын атап өтті.
Тағы көру
