|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы тауларында жоғалған үш жігіттің бірінің денесі анықталды. Құтқару қызметі қалған екі адамды іздестіруде, - деп хабарлайды Dauletten.kz.
Бұл ақпаратты қалалық Төтенше жағдайлар департаменті растады. Қазіргі уақытта қалған екі адамды іздеу жұмыстары жалғасып жатыр.
ТЖД мәліметінше, 26 желтоқсанға қараған түні 112 жедел желісіне қыз баладан хабарлама түскен. Ол ағасының екі досымен бірге 24 желтоқсан күні таңертең тауға кеткенін, содан бері байланысқа шықпағанын айтқан.
Хабарлама түскен бойда құтқару қызметі іздестіру жұмыстарын бастаған. Іздеу барысында үш жігіттің бірінің мәйіті табылған. Ал қалған екеуінің қайда екені әзірге белгісіз.
Құтқарушылар ауа райының күрделілігі мен таулы жердің қиын жағдайына қарамастан, іздеу жұмыстарын тәулік бойы жалғастырып жатыр.
