Жаңалықтар

Алматы облысында әйелін көлікпен қаққан күдікті құқық қорғау органының қызметкері ме?

18.05.2026

мин

0

109

Сурет: ғаламтордан

Алматы облысында әйел адамды көлікпен қағып, өліміне себеп болды деген күдікпен 37 жастағы ер адам ұсталды. Әлеуметтік желілерде күдіктінің полиция қызметкері болуы мүмкін деген ақпарат тарады, — деп хабарлайды Dauletten.kz.

Алматы облысында әйел адамды көлікпен қағып кеткен оқиғаға байланысты қылмыстық іс тергеліп жатыр. Полиция мәліметінше, қайғылы жағдайға қатысы бар деген күдікпен 37 жастағы ер адам ұсталып, уақытша ұстау изоляторына қамалған.

Оқиға салдарынан әйел ауыр жарақат алып, оқиға орнында көз жұмған. Қазір тергеу органдары болған жағдайдың барлық мән-жайын анықтап жатыр.

Ведомство бұл іс облыстық Полиция департаменті басшылығының ерекше бақылауында екенін мәлімдеді.

Әлеуметтік желілерде күдіктінің құқық қорғау органдарының қызметкері болуы мүмкін деген ақпарат кең тараған. Алайда полиция бұл мәліметті әзірге растаған да, жоққа шығарған да жоқ.

Құқық қорғау органдары Қылмыстық-процестік кодекстің талаптарына байланысты өзге ақпарат жарияланбайтынын хабарлады. Қазіргі уақытта ресми түрде тек әйелдің қаза болғаны, күдіктінің ұсталғаны және тергеу жүріп жатқаны ғана нақтыланған.