Жаңалықтар

Алматы облысында полиция қызметкерінің өртенген мәйіті табылды

24.06.2026

мин

0

134

Суреи: ozgeris.info

Алматы облысының Кеген ауданында полиция қызметкерінің өртенген мәйіті табылды. Құқық қорғау органдары қылмыстық іс қозғап, марқұмның жақын туыстарын ұстады, — деп хабарлайды Dauletten.kz.

Алматы облысының Кеген ауданында ер адамның өртенген мәйіті табылуына байланысты қылмыстық іс тергеліп жатыр. Қайғылы оқиға туралы ақпарат 23 маусым күні полицияға түскен.

Алматы облыстық полиция департаментінің мәліметінше, таулы аймақтан адам мәйітінің табылғаны жөнінде хабарлама алғаннан кейін оқиға орнына жедел-тергеу тобы жіберілген.

Тергеу барысында қаза болған адамның жеке басы анықталып, оның полиция қызметкері екені расталды. Әлеуметтік желілерде тараған ақпаратқа сәйкес, марқұм Алматы қаласындағы Әуезов аудандық полиция басқармасында қызмет атқарған.

Жедел-іздестіру шараларының нәтижесінде бірнеше күдікті қолға түсті. Олардың арасында марқұмның жұбайы мен ұлы бар. Қазіргі уақытта барлығы уақытша ұстау изоляторына қамалып, тергеу амалдары жүргізілуде.

Құқық қорғау органдары оқиғаның барлық мән-жайын анықтауға бағытталған тергеу жұмыстарын жалғастырып жатыр.