Жаңалықтар

Алматы облысындағы жеке үйден 28 келі синтетикалық есірткі тәркіленді

15.06.2026

мин

0

62

Сурет: police.kz

Қарасай ауданында орналасқан жеке үйлердің бірінен синтетикалық есірткі өндіруге арналған жасырын зертхана анықталды. Полиция ірі көлемдегі дайын өнім мен химиялық заттарды тәркіледі, — деп хабарлайды Dauletten.kz.

Алматы облысының Қарасай ауданында есірткі өндірумен айналысқан жасырын зертхананың қызметі тоқтатылды.

Алдын ала мәлімет бойынша, 29 жастағы азамат жеке тұрғын үйді арнайы сатып алып, оны синтетикалық есірткі дайындайтын орынға айналдырған. Тергеу барысында оның қажетті зертханалық құрал-жабдықтар мен химиялық реагенттерді интернет арқылы тапсырыс беріп отырғаны анықталған.

Тінту жұмыстары кезінде құқық қорғау органдары 28 келіден астам дайын альфа-PVP есірткісін, 880 литр химиялық прекурсорларды және есірткі өндіруге арналған арнайы жабдықтарды тәркіледі.
Мамандардың бағалауынша, алынған есірткінің жалпы көлемі шамамен 125 мың бір реттік дозаға тең.

Қазіргі уақытта аталған дерек бойынша қылмыстық іс қозғалып, сотқа дейінгі тергеу амалдары жүргізіліп жатыр.