|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы қаласының “Шапағат” шағынауданында жарылыс орын алды. Алдын ала болжам бойынша, жарылысқа газ бен ауаның қоспасының тұтануы себеп болған, - деп хабарлайды Dauletten.kz Алматы қаласы Төтенше жағдайлар департаментіне сілтеме жасап.
Telegram желісіндегі Almaty Today арнасы оқиға кезінде түсірілген видеоны жариялады. Автор кадрлардың Алматыдағы “Шапағат” ықшам ауданында түсірілгенін көрсеткен.
- 2 маусым күні сағат 13:55 шамасында Алатау ауданы, “Шапағат” шағынауданы, Биянху көшесіндегі тұрғын үй қирандыларын аршу барысында 1949 жылы туған азаматтың денесі табылды. Алдын ала ақпаратқа сәйкес, газ-ауа қоспасының тұтануынан 1980 жылы салынған саман үй қирап, әрі қарай жану тіркелмеген, – деп мәлімдеді ТЖД өкілдері.
Оқиға орнында жедел штаб құрылып, оған жергілікті атқарушы органдар, Төтенше жағдайлар департаменті, кинологиялық қызмет, ТЖМ-нің Республикалық жедел-құтқару жасағы, Алматы қаласының 109 қызметі, Апаттар медицинасы орталығы және өзара іс-қимыл қызметтері тартылды.
- Қазір жедел-тергеу тобы жарылыстың нақты себептері мен жағдайларын анықтап жатыр, – деді департамент мамандары.
