|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы әкімі Бақытжан Сағынтаев орталық аудандағы Абай, әл-Фараби даңғылдары, Жандосов көшесі және Шығыс айналма жолындағы үйлерге 9-қабаттан жоғары құрылсқа тыйым салды. Осы аудандарда міндетті түрде 5-9 қабат аралығындағы үйлер болуы шарт. Сондықтан, шенеуніктер шектеуге қатысты жаңа регламент жасауда. Құрылыс мамандары үйдің қабат саны азаюына байланыстым баспана бағасы әлі де шарықтауы мүмкін екенін айтты.
"Инфрақұрылымдағы тығыздықты азайту және аймақтарды дамыту мен жоспарлау мақсатында әлем елдерінде құрылыс тығыздығы мен қабат санын реттеу жұмыстары жүргізіліп жатыр. Қабат санын шектеу туралы регламент енгізу қаланы тұрғындар үшін етуде маңызды", – деді Қалалық жоспарлау және урбанистика басқармасының басшысы Алмасхан Ахмеджанов.
Қабат санын шектеу құрылыс компанияларына ғана емес сатып алушыларға да кері әсерін тигізеді. Сонымен қатар жаңа регламент қалада пәтер бағасының өсуіне және ескі үйлерді бұзу бағдарламасын да тежейтінін айтты.
"2023, 2024 жылға қарай салынатын үйлер көлемі кішірейеді. Жаңа нысандарда салынатын үйлерде қабат жоспарланғаннан аз болады. Бұл жаңа жобалар экономикасына кері әсер етеді. Сәйкесінше үй салу, реновация бойынша бағдарламалар жылдамдығы баяулай түспек", – деді Қазақстан құрылысшылар одағының басқарма өкілі Ералы Сауранбаев.
Урбанистер қабат саны ешқандай зиян келтірмей, құрылыс тығыздығындағы мәселелерді шешуге көмек береді деп отыр.
"Бұл шектеу үйлердің тым биік әрі тығыз болмауына көмектеседі. Дегенмен бұл үшін тек қабат санын шектеп қана қоймай, құрылыс компаниялары шағын үй салуға мүмкіндік жасау үшін құрылыс нормаларын өзгерту мәселесін де көтеру керек", – деді Urban Forum Kazakhstan сарапшысы Диас Маратұы.
Қазір қаланың Абай көшесінен жоғарғы бөлігінде бос жер телімдері қалмаған. Үкімет мен қоғам белсенділері жаңа регламенттің кемшіл тұстарын талқылауда. Әкімдікте ережені бір ай көлемінде дайындайтынын мәлімдеді. Сонымен қатар шенеуніктер жаңа шектеудің салынып жатқан көп қабатты үйлерге қатысы жоқ екенін қосып өтті.
Тағы көру
