Жаңалықтар

БҚО-да дала өртін сөндіру кезінде өрт сөндіруші қаза тапты

17.09.2026

мин

0

92

Оқиға Жәнібек ауданында, Татран қыстағының маңында болған, — деп хабарлайды Dauletten.kz.

Куәгерлердің айтуынша, өртті сөндіру жұмыстары кезінде өрт сөндірушіні өрт сөндіру көлігі басып кеткен. Ер адам ауыр жарақат алып, дәрігерлердің жасаған барлық әрекетіне қарамастан қайтыс болған.

Куәгерлердің сөзінше, өрт болған аумақта түтін қою болғандықтан, көріну мүмкіндігі өте төмен болған. Алдын ала мәлімет бойынша, өрт сөндіру көлігі артқа қарай қозғалған кезде жүргізуші түтін арасынан әріптесін байқамай қалған.

Батыс Қазақстан облысының төтенше жағдайлар департаменті қызметкердің қаза болғанын растады.

— Батыс Қазақстан облысы Жәнібек ауданында орналасқан Татран қыстағының маңында құрғақ шөп жанған. Өртті жою жұмыстары барысында қызметтік міндетін атқарып жүрген төтенше жағдайлар департаментінің қызметкері жарақат алған. Зардап шегуші Жәнібек ауылының аудандық ауруханасына жеткізілді. Алайда көрсетілген медициналық көмекке қарамастан, алған жарақаттарының салдарынан қайтыс болды. Қазіргі уақытта оқиғаға қатысты тиісті тексеру жүргізіліп, жағдайдың барлық мән-жайы анықталуда, — деп хабарлады ведомство.