|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астрахан аудандық мәдениет үйінде жүргізілген прокурорлық тексеріс нәтижесінде бюджет қаражатын заңсыз пайдалану фактілері белгілі болды, - деп хабарлайды Dauletten.kz.
Астрахан аудандық мәдениет үйінде 2022–2024 жылдар аралығында қаржылық тәртіптің өрескел бұзылғаны белгілі болды.
Тексеру барысында мекеме басшысы орындалмаған жұмыстар үшін үшінші тұлғаларға негізсіз еңбекақы есептеп отырғаны анықталды. Осы әрекеттердің салдарынан мемлекетке 2,6 миллион теңге көлемінде материалдық залал келтірілген.
Аталған дерек бойынша қылмыстық іс қозғалып, сотта мемлекеттік айыптаушы айыпты толық дәлелдеді. Сот үкімімен аудандық мәдениет үйінің бұрынғы басшысы сеніп тапсырылған бөтен мүлікті ысырап еткені үшін кінәлі деп танылды.
Нәтижесінде ол бас бостандығынан айыру жазасына кесіліп, сондай-ақ мемлекеттік қызметте лауазым атқару құқығынан өмір бойына айырылды.
