|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақмолада ірі есірткі зертханасын ұйымдастырған әке мен ұлы ұсталды, - деп хабарлайды Dauletten.kz.
Ақмола облысында әкесі мен баласы ұйымдастырған ірі есірткі зертханасы әшкереленді. 54 жастағы ер адам мен оның 26 жастағы ұлы құқық қорғау органдары жүргізген арнайы операция барысында ұсталды.
Алдын ала мәлімет бойынша, әкесі ұлына синтетикалық есірткі дайындау тәсілдерін үйретіп, бірге заңсыз өндіріс жүргізген. Күдіктілер есірткіні тұрақты түрде дайындап, таратуды көздеген.
Тінту кезінде олардан 200 келіге жуық мефедрон, 2 тоннадан астам прекурсорлар, сондай-ақ арнайы реакторлар, зертханалық жабдықтар мен түрлі химиялық реагенттер тәркіленді. Мамандардың айтуынша, бұл көлем шамамен 600 мың реттік дозаға тең.
Тәркіленген заттардың қара нарықтағы құны 5 миллиард теңгеден асады. Қазіргі уақытта аталған дерек бойынша сотқа дейінгі тергеу амалдары жүргізіліп жатыр.
