|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қорғаныс министрі Даурен Қосановтың әскердегі сарбаздар қазасына қатысты сұраққа берген жауабы қоғамда кеңінен талқыланып жатыр, - деп хабарлайды Dauletten.kz.
Журналистер министрден армияда ай сайын өлім-жітім болып жатқаны туралы ақпаратты нақтылауды сұраған.
Сұрақ қойылған сәтте Қосанов бұл мәліметке күмәнмен қарап, таңданысын жасырмады:
«Сарбаздар дейсіздер ме?» – деп министр жауап берген.
Қосанов қазіргі әскерде мұндай жиі өлім фактілері жоқ екенін айтып, митингке шыққан аналар көтерген мәселелер 2020–2023 жылдарға қатысты екенін жеткізді.
Оның айтуынша, бұл істер бойынша тергеу жұмыстарын Ішкі істер министрлігі жүргізіп жатыр, ал бас әскери прокуратура қадағалауда.
Министрдің бұл мәлімдемесі әлеуметтік желілерде қызу пікірталас тудырды. Пайдаланушылардың бір бөлігі министрдің таңданысын орынды деп санаса, енді бірі әскердегі жағдайдың ашық айтылмауына алаңдаушылық білдіріп жатыр.
Сарапшылар министрдің реакциясы қоғамда әскерге деген сенім мәселесін қайта талқылауға түрткі болғанын айтады.
Бұған дейін сарбаздар қазасы мен әлімжеттікке қатысты шағымданған бір топ ана митингке шығып, әскердегі тәртіпсіздіктерді тоқтатуды талап еткен еді.
Министрдің мәлімдемесі осы мәселеге қатысты жаңа пікірталас толқынын тудырды.
