|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматының Орталық стадионының басқарушысы "Астана" - "Челси" матчы алдында трибуналардың уақытылы тазаланбауына байланысты қызметінен қуылды, - деп хабарлайды Dauletten.kz.
Жанкүйерлердің көпшілігі Конференция лигасының матчы басталар алдында Орталық стадион трибуналарындағы жағдайға наразылығын білдірді. Ондағы қар тазаланбаған болып шықты.
- Алматы Орталық стадионының батыс секторындағы алты қатардың (Орталық стадиондағы жалпы орын санының 2,7%-ы) арасындағы қардың уақытылы тазаланбауынан туындаған қолайсыздықтар үшін жанкүйерлерден кешірім сұраймыз. Болашақта осындай оқиғалардың алдын алу мақсатында тексеріс жүргізіледі. Орталық стадион нысанының басқарушысы Бауыржан Жұмажанов қызметінен шеттетілді, - делінген хабарламада.
Айта кетейік, бұл матчта "Астана" жеңіске жете алмады. Команда Конференция лигасының жалпы кезеңінің бесінші турында 1:3 есебімен қарсылас командадан жеңілді.
