|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Сириядағы террористік ұйымның әрекеттеріне қатысуға дайындалған Астана тұрғыны 7 жылға бас бостандығынан айырылды. Ол Түркия арқылы Сирияға ұшпақ болған сәтінде Алматы әуежайында ұсталған, - деп хабарлайды Dauletten.kz елордалық прокуратураның ресми деректеріне сілтеме жасап.
Прокуратура өкілдерінің мәліметінше, күдікті Telegram мессенджері арқылы терроризмді насихаттайтын материалдар мен идеологиялық мазмұндағы ақпараттарды таратқан. Сонымен қатар, Сириядағы лаңкестік топтың құрамына қосылуға ниет білдірген.
- Басты сот отырысында айыпталушының Telegram желісінде діни себептермен қарулы қақтығыстарды қолдағаны және кәмелетке толмаған екі қызын террористік топ мүшелеріне күйеуге беру үшін Сирияға баруды жоспарлағаны анықталды.
Мемлекеттік айыптаушы сотқа нақты дәлелдер ұсынып, айыпталушының телекоммуникация құралдары арқылы терроризмді насихаттағанын және террористік ұйымның әрекеттеріне қатысуға дайындалғанын дәлелдеді, – деді прокуратура өкілдері.
Сот үкімімен ол 7 жылға бас бостандығынан айырылды.
Астана қаласының прокуратурасы азаматтарға террористік ұйым құру, оған басшылық ету немесе оның қызметіне қатысқан жағдайда 17 жылға дейін бас бостандығынан айырылуы мүмкін екенін, ал терроризмді насихаттаған немесе террорлық әрекет жасауға үндеу таратқандар 12 жылға дейін сотталатынын және мүлкі тәркіленетінін ескертеді.
