Жаңалықтар

Астанада Құрбан айтқа арналған арнайы құрбандық шалу орындары бекітілді

21.05.2026

мин

0

123

Сурет: Sputnik Kazakhstan

Елордада Құрбан айт мерекесіне орай айт намазының уақыты мен құрбандық шалуға арналған ресми орындар анықталды. Қала әкімдігі тұрғындарды мал сою рәсімін тек арнайы бекітілген аумақтарда өткізуге шақырды, — деп хабарлайды Dauletten.kz.

Астанада Құрбан айт мерекесіне дайындық аясында құрбандық шалуға арналған арнайы орындар белгіленді. Биыл айт намазы 27 мамыр күні таңғы сағат 06:00-де қаланың барлық мешітінде оқылады.

Ал құрбандық шалу рәсімі күн сайын сағат 07:00 мен 18:00 аралығында жүзеге асырылады. Әкімдік мәліметінше, мал сою жұмыстары тек санитарлық талаптарға сай бекітілген орындарда ғана жүргізілуі тиіс.

Құрбандық шалуға рұқсат етілген орындар тізімі:

— «Шанхай» базары — Алаш тасжолы, 34/6;
— «Баракат» базары — А 369 көшесі, 10;
— «Жайлау» базары — Алаш тасжолы, Ц 313 көшесі;
— «Шәушен» шаруа қожалығы — Алаш тасжолы, 136Б;
— «Ет-Хан» ет цехы — Теміржолшылар тұрғын алабы, Ақжар көшесі, 20.

Қала әкімдігі тұрғындарға қоғамдық тәртіп пен санитарлық талаптарды сақтау маңызды екенін ескертіп, белгіленбеген жерлерде мал союға тыйым салынатынын хабарлады.