|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астанада өткен «Қазақстан – академиялық білім аймағы» форумында Мемлекет басшысы Қасым-Жомарт Тоқаев білім мен ғылым саласының стратегиялық маңызын атап өтті, – деп хабарлайды Dauletten.kz.
Президенттің айтуынша, қазіргі заманда ғылым мен білім — қоғамның ілгерілеуіне жол ашатын негізгі тетік.
- Бұл форум — жаһандық білім мен ғылымның даму бағытын айқындауға арналған маңызды алаң. Әлемнің жетекші университеттері мен сарапшылары осында жиналып, тәжірибе алмасып жатыр. Барша қатысушыларға шынайы алғыс айтамын, – деді Қасым-Жомарт Тоқаев.
Мемлекет басшысы соңғы жылдары Қазақстанда білім және ғылым жүйесін жетілдіруге ерекше назар аударылып отырғанын айтты. Оның сөзінше, 2019 жылдан бері бұл салаға бөлінетін қаржы көлемі үш есеге артқан.
Сондай-ақ жоғары оқу орындарының дербестігі кеңейіп, зерттеу бағытындағы университеттер саны көбейген. Елде «Ғылым және технологиялық саясат туралы» жаңа заң қабылданып, Президент жанынан Ғылым және технологиялар жөніндегі ұлттық кеңес құрылған.
- Мемлекет ғалымдарға, әсіресе, жас зерттеушілерге барынша қолдау көрсетуде. Жоғары білімнің барша азаматқа бірдей қолжетімді болуы – өте маңызды міндет, – деді Мемлекет басшысы.
