|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Атырауда колледж студенттері арасындағы жанжал соңы жаппай төбелеске ұласып, екі жасөспірім түрлі жарақат алды, – деп хабарлайды Dauletten.kz.
Белгілі болғандай, жанжалға қатысқан жастардың барлығы — қаладағы агроколледж студенттері. Куәгерлердің айтуынша, олар арасындағы дау кейін өзара төбелеске ұласқан. Кейбірі қолмен, кейбірі бөтелкемен соққы жасаған. Салдарынан екі адам жарақат алып, дәрігерлердің бақылауына алынды.
Қазіргі уақытта төбелестің нақты себебі анықталып жатыр. Полиция оқиғаға қатысы бар төрт жасөспірімді бөлімшеге жеткізген.
- Олардың кәмелетке толмауына байланысты заңды өкілдерінің қатысуымен жауап алынатын болады. Қылмыстық іс тіркеліп, тергеу амалдары жүріп жатыр, – деді Атырау облыстық Полиция департаментінің баспасөз хатшысы Мейірім Ердәулет.
Құқық қорғау органдары жасөспірімдерді бақылауға алып, материалдарды кәмелетке толмағандар ісі жөніндегі комиссияға жолдамақ.
