Жаңалықтар

«Әйелдер ипотекасының» артықшылықтары қандай?

16.10.2021

1 мин

1

2078

Әйелдер ипотекасының шарттары, алғашқы жарна және артық төлем қандай болады. Dauletten.kz сайты аталмыш бағдарламаға толығырақ тоқталады.

«Ұмай» ипотекасы - «Отбасы банкі» бағдарламасы. Жалпы бағдарлама табыс көзінің жоғары болуына байланысты  мемлекеттік бағдарламаларға қатыса алмайтын, десек те ипотека бойынша бірқатар жеңілдіктерді қажет ететін әйелдерге арналған.

Бағдарламаға кімдер қатыса алады?

• ҚР азаматтығы бар 18 бен 65 жас аралығындағы әйелдер;
• ай сайынғы отбасылық табыс 320 мың теңгеден аспауы керек. Екі тең қарыз алушыны тартуға рұқсат етіледі.

Бағдарлама шарттары

• Бастапқы жарна мөлшері –15%-тен 50%-ке дейін.
• Несие бойынша сыйақы мөлшерлемесі –12% (ЖТСМ - 12,2%-дан)
• Несиелік мөлшерлемені төмендету несие сомасының 50% жинақталғаннан кейін 3,5%-ке дейін 
• Несие мерзімі – 25  жыл.

Бағдарламаның артықшылықтары:

«Ұмай» ипотекасы арқылы бастапқы нарықтағы (жаңа ғимараттарда) және екінші нарықтағы жылжымайтын мүлікті сатып алуға болады. Ал «Ұмай» әйелдер ипотекасы мен «Отбасы банкіндегі» бағдарламаның шарттарын салыстыратын болсақ, алғашқы жарна мөлшері аз. Сонымен қатар 3 жыл шотқа қаржы жинау міндеттемесі жоқ. Десек те, ай сайынғы төлемнің жоғары болып, жалпы төлем сомасы нарықтық бағдарламадан екі есе дерлік көп болатынын ескерген жөн.

Жоспар бойынша, атылмыш бағдарлама арқылы 4 мың әйел баспаналы болады деп күтілуде. Десек те, қыркүйек айындағы жағдай бойынша жиыны 4,4 млрд теңгеге 512 несие рәсімделген.

Берілген несиелер бойынша көшбасшылар бестігінде келесі аймақтар кіреді:

• Нұр-Сұлтан – 70;
• Қарағанды – 52;
• Ақмола облысы – 46;
• Шығыс Қазақстан облысы – 42;
• Қостанай – 39.

Ең аз ипотека рәсімбелген аймақтар ішінде Түркістан, Қызылорда және Атырау облыстары бар. Сәйкесінше, 1, 8 және 10 несие алынған. Ал Алматыда әйелдер ипотекасы бойынша 33 несие берілді.