|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Берешегі бар салық төлеушілерге қандай шаралар қабылданатыны белгілі болды, – деп хабарлайды Dauletten.kz.
Мемлекеттік кірістер комитетінің аудит департаментінің басшысы Қайсар Арын Instagram желісінде тікелей эфирде жаңа Салық кодексіне сәйкес салық берешегін өндіріп алуға қатысты ақпаратты оқырмандарына бөлісті.
Мемлекеттік кірістер комитетінің Instagram желісіндегі парақашасында аудит департаментінің берешекпен жұмыс істеу басқармасының басшысы Қайсар Арын қарыз сомасы бойынша талдау енгізілгенін және оны өндіріп алу үшін қандай шара қабылданатынын айтты.
– Егер салық берешегі 20 АЕК-тен (86 500 теңге - ред.) асып кетсе, айыппұл салынады және хабарлама жіберіледі. Содан кейін, мерзімге сәйкес, банк шоттары бойынша шығыс операциялары, сондай-ақ қолма-қол ақша алу және инкассациялық операциялар тоқтатылады. 45 АЕК-ке дейін (194 625 теңге - ред.) біз осы әдістермен де, өндіріп алу шараларымен де айналысамыз, - деп мәлімдеді Қайсар Арын.
Сондай-ақ басқа да тиісті шаралар берешегіңіз 45 АЕК (194 625 теңге) асқан жағдайда қабылданады.
– Аталған шараның барлығы да қолданылып жүр. Кейіннен дебиторлық берешек дебиторлардың шоттарынан өңделеді, егер болса, мүлік тізімі жасалады, акциялары шығарылып, сатылады, салық төлеуші мойындамайынша, сот шешімімен банкрот деп жарияланады, - деді ол.
