Жаңалықтар

Биыл атаулы әлеуметтік көмек қалай тағайындалады?

09.02.2026

мин

1

857

Сурет: ашық дереккөз

2026 жылғы 1 ақпандағы жағдай бойынша Қазақстанда 25,8 мың отбасы 138,1 мың адамға Атаулы әлеуметтік көмек (АӘК) алды. Биылғы бюджеттен бұл мақсатқа 62,7 млрд теңге қарастырылған, - деп хабарлайды Dauletten.kz ҚР Еңбек және халықты әлеуметтік қорғау министрлігіне сілтеме жасап.

Атаулы әлеуметтік көмек (АӘК) табысы кедейлік шегінен төмен отбасыларға бағытталған әлеуметтік қолдау болып табылады. 2026 жылы бағдарламада бірнеше маңызды жаңалықтар бар:

Тоқсан сайын әлеуметтік төлем: Табысы төмен отбасылар тұрақты қаржылай қолдау алады.

Балаларға қосымша төлем: 1 жас пен 6 жас аралығындағы әр балаға ай сайын 1,5 АЕК көлемінде төлем қарастырылған. Биылғы 1 ақпанда мектеп жасына дейінгі 42,4 мың балаға 270,4 млн теңге сомасында қосымша төлем тағайындалды.

Жұмыспен қамту және кәсіби қолдау: Отбасылар гранттар алады, өз ісін бастауға немесе біліктілікті арттыру курстарына қатысуға мүмкіндік алады.

Өтініш беру жолдары:

Қазақстан азаматтары АӘК алу үшін өтінішті:

Тұрғылықты жері бойынша мансап орталығына,

Ауыл округінің әкіміне,

Немесе Электрондық үкімет порталы (egov.kz) арқылы бере алады.

АӘК — отбасыға тұрақты қаржылай қолдау көрсету және еңбекке қабілетті мүшелерін жұмыспен қамту арқылы өмір сапасын жақсартудың тиімді құралы.