|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Батыс Қазақстан облысында ер адам қолына ара алып, жанармай құю станциясында жүрген жүргізушілер мен азаматтарға шабуыл жасаған, - деп хабарлайды Dauletten.kz Бөрлі аудандық полиция басқармасына сілтеме жасап.
Бөрлі аудандық полициясы Instagram парақшасында оқиға кезінде түсірілген видеоны жариялады. Онда ер адамның қолына ара алып, жанармай бекетінде жүргендерге шабуыл жасап жатқаны көрінеді.
Жазба сипаттамасында бұл оқиға Ақсай қаласында түн ортасында болғаны көрсетілген.
Полицияның мәліметінше, ер адам агрессивті мінез көрсетіп, адамдар мен көліктерге шабуылдаған. Құқық қорғау органдары оны ұстады. Кейін белгілі болғандай, бұл азамат психиатриялық есепте тұрған.
Ұсталған адам Уақытша бейімдеу және детоксикация орталығына жеткізілді. Қазір оны Облыстық психикалық денсаулық орталығына орналастыру мәселесі қарастырылып жатыр.
