Жаңалықтар

БЖЗҚ 20 жастағыларға арналған 6,6 млн теңге шекті соманы не үшін белгілегенін түсіндірді

09.06.2026

мин

0

65

Сурет: Ғаламтордан

Бірыңғай жинақтаушы зейнетақы қоры жас азаматтар үшін белгіленген 6,6 млн теңге шегінің мәнін түсіндірді, — деп хабарлайды Dauletten.kz. 

Қор бұл көрсеткіш қазіргі табысқа емес, болашақ зейнетақы мөлшеріне негізделіп есептелетінін айтады.

Бірыңғай жинақтаушы зейнетақы қоры өкілдерінің айтуынша, 20 жастағы азаматтар үшін белгіленген 6,6 млн теңге шегі адамның бүгінгі жалақысына емес, зейнет жасындағы табысына болжам жасау арқылы есептеледі.

Қордың түсіндіруінше, негізгі мақсат – азамат зейнетке шыққаннан кейін де ең төменгі төлем деңгейін қамтамасыз ету. Яғни, жинақтар тек міндетті жарналар есебінен ғана емес, инвестициялық табыс арқылы да өсіп, базалық зейнетақы мөлшерін жабуы тиіс.
2026 жылға арналған есеп бойынша ең төменгі жиынтық зейнетақы көлемі 69 мың теңге деңгейінде белгіленген.

Сонымен қатар мамандар еңбек жолының басында салынған жарналар ұзақ мерзім бойы инвестициялық табыс әкелетінін атап өтті. Осыған байланысты зейнетақы жинағын ерте шешіп алу болашақта төлем мөлшерінің азаюына әсер етуі мүмкін екені ескертілді.