Жаңалықтар

Денсаулық сақтау министрлігі фастфуд маркетингін бақылаудың заңнамалық тетігін ұсынды

09.09.2026

мин

0

32

Сурет: 24kz

Денсаулық сақтау министрлігі зиянды тағамдар мен энергетиктерді жарнамалауға шектеу қоятын заңнамалық түзетулер топтамасын дайындады, — деп хабарлайды Dauletten.kz.

Ведомство мамандары халықаралық тәжірибе мен Дүниежүзілік денсаулық сақтау ұйымының ұсынымдарын негізге алған.

Қандай ақпараттық арналарға шектеу қойылады?

Жаңа құжатқа сәйкес, құрамында қант, тұз, қаныққан майлар мен трансмайлар мөлшері тым жоғары тағамдарды насихаттауға тосқауыл қойылмақ. Бұл шектеулер телеарналар мен радиоға, әлеуметтік желілерге және көшедегі сыртқы жарнама құралдарына қатысты болмақ. Медициналық көмекті ұйымдастыру департаментінің басшысы Гүлнар Сәрсембаеваның айтуынша, қазіргі уақытта бұл бастаманың реттеушілік әсерін талдау жұмыстары жүргізіліп жатыр.

Статистика және Мемлекет басшысының тапсырмасы

Арнайы зерттеу деректеріне сүйенсек, елдегі 6–9 жас аралығындағы оқушылардың 23 пайызы артық салмақ жинаған, ал 6 пайызы семіздікке шалдыққан. Сонымен қатар, жасөспірімдердің 17,5 пайызы апта сайын сергіткіш сусындарды ішеді.

Бұған дейін Мемлекет басшысы Қасым-Жомарт Тоқаев Үкіметке фастфудтың агрессивті маркетингін тізгіндеуді тапсырған еді. Президент бұндай жарнаманың өскелең ұрпақ арасында зиянды әдеттерді қалыптастырып, медицина саласына түсетін салмақты арттыратынын ескерткен болатын.

Министрлік бұл шаралар тауардың өзін сатуға тыйым салу емес, тек балаларға бағытталған жарнамалық қысымды азайту екенін атап өтті.