|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Белгілі дінтанушы Мұхитдин Исаұлы Алматыдағы жаңа крематорийдің ашылуына өз наразылығын білдіріп, адам денесін өрттеуге діндік тұрғыдан тыйым салынғанын айтты, - деп хабарлайды Dauletten.kz.
Алматы қаласында ашылуға дайын тұрған крематорий қоғамда қызу пікір туғызып отыр. Дінтанушы Мұхитдин Исаұлы өлімнен кейін адамның денесін өрттеу әрекетін дінге қайшы деп бағалады.
- Өлген адамның сүйегін сындыру тірідей зақымдау сияқты. Қайтыс болған адамның денесі дірілдегенін сезеді. Біз адал, ізгі қоғам деп айтамыз, бірақ мұндай әрекет оған сай емес, – дейді ол.
Мұхитдин Исаұлы сондай-ақ, бұрынғы мемлекет қайраткері Дінмұхамед Қонаев та Алматыда крематорий салуға қарсы болғанын еске салды. Дінтанушы мұндай бастамалар қоғамға зауал әкелуі мүмкін деп есептейді.
Қала билігі крематорийдің жақын арада жұмысын бастайтынын хабарлаған. Ал Мәжіліс депутаты Сергей Пономарёв 2021 жылдан бері салынған бұл объект әлі іске қосылмағанын айтты. Оның пікірінше, мәселе Алматыдағы зираттардың тапшылығымен байланысты: 70 зираттың 61-і жабық, жаңа жерлеу орындары аз.
Крематорийдің ашылуына қатысты пікірлер әртүрлі: біреу оны қажеттілік деп санаса, дінтанушылар мен қоғамның бір бөлігі мұны рухани тұрғыдан сынға алады.
