Спорт

Елдос Сметов Азия ойындарының күміс жүлдегері атанды

30.09.2026

мин

0

46

Париж Олимпиадасының чемпионы Елдос Сметов Аичи-Нагояда өтіп жатқан Азия ойындарында күміс жүлдеге ие болды, - деп хабарлайды Dauletten.kz.

Қазақстандық дзюдошы 60 келіге дейінгі салмақта татамиге шығып, жарысты сәтті бастады. Ол алғашқы белдесуінде Оңтүстік Корея өкілі Ли Харимді жеңді. Кейін Моңғолия спортшысы Ариунболд Энхтайваннан басым түсті.

Жартылай финалда Елдос Сметов Қытай Тайбэйінің өкілі Ян Юн-вэймен кездесіп, оны жеңіп, финалға жолдама алды. Ал шешуші белдесуде қазақстандық спортшы Жапония өкілі Хаято Кондоға жол беріп, Азия ойындарының күміс жүлдесін иеленді.

Жарыстан кейін Елдос Сметов басты мақсаттарының бірі Олимпиада тарихын жаңарту екенін атап өтті. Париж Олимпиадасында чемпион атанған спортшы үшін Азия ойындарындағы бұл жүлде халықаралық аренадағы кезекті нәтижесі болды.