Жаңалықтар

Елордада самокат жүргізушілеріне қатысты рейд күшейтілді

22.04.2026

мин

0

126

Сурет: plus-one.ru

Астанада электросамокат жүргізушілеріне қатысты бақылау күшейіп, рейд барысында жүздеген құқықбұзушылық анықталды, — деп хабарлайды Dauletten.kz. 

Елорда көшелерінде электросамокат пайдаланушыларға арналған тексеріс шаралары қарқын алды. Құқық қорғау органдары ұйымдастырған рейд нәтижесінде 200-ге жуық жүргізуші әкімшілік жауапкершілікке тартылды.

Тәртіп сақшыларының айтуынша, негізгі бұзушылықтар қатарында жол қозғалысы ережелерін елемеу, қорғаныс құралдарын қолданбау және самокаттарды рұқсат етілмеген жерлерге қалдыру фактілері бар. Осыған байланысты тұрғындарға қауіпсіздік талаптарын сақтау қажеттігі қайта ескертілді.

Рейд барысында ережеге бағынбаған 170-тен астам электросамокат арнайы тұрақтарға жеткізілді. Мамандар мұндай шаралар қаладағы қозғалыс қауіпсіздігін қамтамасыз етуге бағытталғанын атап өтті.