|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Еліміздегі еңбек нарығында жоғары жалақы төленетін және жоғары табысқа үміткер мамандықтар белгілі болды. Қаңтар айындағы деректерге сүйенсек, жұмыс берушілер ең қомақты еңбекақыны өндірістік және техникалық бағыттағы білікті мамандарға ұсынған, - деп хабарлайды Dauletten.kz.
Атап айтқанда, бұрғылау жөніндегі супервайзерлердің айлығы 991 мың теңгеден басталады. Өндіруші өнеркәсіп саласындағы учаске бастықтарына кемінде 876 мың теңге ұсынылса, бас геологтардың жалақысы 803 мың теңгеден жоғары.
Ал жұмыс іздеушілердің жалақыға қатысты күтімі бұдан да жоғары. Жаңа өнімдерді әзірлеу жөніндегі жоба жетекшілері айына 1,3 миллион теңге табыс табуды көздейді. Жеке сектордағы коммерциялық директорлар 1,2 миллион теңге көлемінде жалақы алғысы келетінін білдірсе, іске қосу және сынақтар жөніндегі инженерлер 865 мың теңге көлеміндегі еңбекақыны лайық көреді.
Осылайша, нарықтағы сұраныс пен үміткерлердің қаржылық талабы арасында белгілі бір айырмашылық байқалады. Дегенмен жоғары біліктілік пен жауапкершілігі мол қызметтерге төленетін жалақы көлемі елдегі ең жоғары көрсеткіштердің қатарында.
