Жаңалықтар

Енді ауыл жолдарына асфальттың орнына қиыршық тас төселеді

25.06.2026

мин

0

92

Сурет: NUR.kz

Қазақстанда көлік қозғалысы аз ауылдық жолдарды жөндеудің жаңа тәртібі енгізілді, — деп хабарлайды Dauletten.kz.

Қазақстанда автомобиль жолдарын жөндеуге қатысты жаңа нормалар қабылданды. Көлік министрлігінің мәліметінше, өзгерістер негізінен көлік ағыны төмен ауылдық елді мекендердегі жолдарға қатысты.

Енді мұндай жолдарды жөндеу кезінде асфальтбетонның орнына қиыршық тас төсеу және топырақты нығайту сияқты балама технологияларды қолдануға мүмкіндік беріледі. Бұл ретте жолдардың техникалық санаты өзгеріссіз қалады.

«Елді мекендерде күн сайын 200-ге жуық көлік қатынайды. Бұл жерлерге қымбат тұратын асфальтбетон төсеу экономикалық тұрғыдан негізсіз. Кей ауылдардағы көлік саны күрделі конструкцияларды қолдануды талап етпейді», – делінген ақпаратта.

Министрліктің мәліметінше, жаңа талаптар жол жөндеу жұмыстарын жергілікті жағдайға бейімдеп, бюджет қаражатын тиімді пайдалануға мүмкіндік береді.

Тиісті бұйрық ресми жарияланған күннен бастап 10 күннен кейін күшіне енеді. Сонымен қатар елде республикалық маңызы бар автожолдардың бойына заманауи эко-сервис станцияларын салу жоспары да жүзеге асырылып жатыр.