Жаңалықтар

Енді жер учаскесіне мемлекеттік акт ХҚКО-да берілмейді

13.07.2026

мин

0

205

Сурет: Алматы ақшамы

12 шілдеден бастап қазақстандықтар жер учаскесіне мемлекеттік актіні халыққа қызмет көрсету орталықтары арқылы ала алмайды. Қызмет толықтай электронды форматқа көшірілді, — деп хабарлайды Dauletten.kz.

12 шілдеден бастап жер учаскесіне мемлекеттік актіні беру қызметі толықтай онлайн форматта көрсетіледі. Осыған байланысты бұл қызмет енді халыққа қызмет көрсету орталықтарында (ХҚКО) қолжетімсіз.

Енді азаматтар өтінімді тек eGov.kz порталы арқылы бере алады. Ол үшін қажетті қызметті таңдап, сұралған мәліметтерді толтырып, өтінімді электрондық цифрлық қолтаңба (ЭЦҚ) немесе өзге қолжетімді электрондық қол қою тәсілі арқылы растау қажет.

Қызмет нәтижесінде дайын мемлекеттік акт пайдаланушының eGov порталындағы жеке кабинетіне жолданады.

Мамандардың мәліметінше, бұл өзгеріс қызметті пайдаланушылардың басым бөлігі құжаттарды онлайн рәсімдейтіндіктен енгізілген. Қазір жер учаскесіне мемлекеттік акт алуға берілетін өтінімдердің 96%-ы электронды форматта қабылданады.

Жаңа тәртіп мемлекеттік қызмет көрсету процесін жеңілдетіп, қағаз құжат айналымын азайтуға және қызметті толық цифрландыруға бағытталған.