|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Енді жолаушыларға домбырасын ұшақпен тасымалдауға рұқсат беріледі, - деп хабарлайды Dauletten.kz.
ҚР Көлік вице-министрі Талғат Ластаев жолаушылар енді музыкалық аспаптарын, соның ішінде домбыраларын ұшақпен тасымалдаудың нақты ережелері жақын арада қабылданатынын хабарлады.
- Жақын арада жолаушыларға түсінікті және нақты ережелер енгізіледі. Онда аспаптарды қалай тасымалдау керегі және қандай рәсімдер қолданылатыны анық көрсетіледі, – деді вице-министр.
Оның сөзінше, жаңа тәртіп шамамен бір ай ішінде күшіне енеді. Бұл шешім жолаушыларға музыкалық аспаптарды ұшақпен тасымалдауда туындайтын түсініспеушіліктерді азайтып, жолсеріктер мен әуежай қызметкерлеріне де нақты нұсқаулық береді.
Енді жолаушылар домбыра, скрипка, гитара және басқа да музыкалық аспаптарын ұшақпен қауіпсіз апара алады, ал жаңа ережелер олардың тасымалына байланысты талаптарды нақты көрсететін болады.
